Klevis Doçi

Unë jam i diplomuar nga dega e Mjekësisë së Përgjithshme, aktualisht punoj si mjek i përgjithshëm në një ndër rrjetet laboratorike-klinike më të suksesshëm në Shqipëri (GeniusLab). Me mbi 7 vite përvojë në Website Developement, menaxhimin e start-up-eve dhe analizë marketingu. Gjithashtu punoj remote për një kompani të sigurisë kibernetike me bazë në Irlandë dhe marr pjesë në mënyrë proaktive në  kërkimore shkencore të ndryshme. Roli im në këto projekte varion nga bashkëpunëtor, analist dhe data manager; deri te redaktor, bashkëdrejtues dhe bashkautor.

DocLabs është një platformë e krijuar nga resurset personale, e fokusuar në ofrimin e temave mjekësore të lidhura ngushtë me programin mësimor. Platforma përfshin gjithashtu kuize që ndihmojnë lexuesit të sigurohen se kanë përvetësuar informacionet e duhura për të përparuar në kapitullin e radhës. Përveç kësaj, DocLabs ofron kurse për përgatitjen e provimeve të licencës, specializimit dhe pranimit në universitetin e mjekësisë, si dhe synon të ndërtojë një komunitet kërkimi shkencor. Ky komunitet u ofron pjesëmarrësve trajnim nga stafi ynë për publikimin e kërkimeve të tyre në revista shkencore me faktor impakti të lartë në fushën e mjekësisë.

Ne besojmë se studentët nuk duhet të paguajnë për të pasur qasje në informacion për fushat e interesit të tyre. Për këtë arsye, DocLabs do të vazhdojë të mbetet një platformë falas për ta.